眾所周知《幪面超人》系列出咗名多美女演員，魅力絕對唔比男主角遜色，而我哋亦都介紹過唔少，例如「浅倉唯」、「川津明日香」、「松田るか」、「志田友美」...等等。今日就同大家介紹嘅「高田里穂」就曾經演過《幪面超人OOO》女主角泉比奈，如今時隔11年回歸寫真界再出新作，展現成熟女人魅力。

今年27歲嘅「高田里穂」最初以Model身份出道，拍攝各種大大小小嘅電影或平面廣告，亦曾擔任過時尚雜誌《Pichi Lemon》專屬Model，直2010年憑住出演《幪面超人OOO》為人熟悉，長年嚟活躍於演藝界拍劇拍電影，前年更有份出演令和版嘅《東京愛情故事》！

時隔11年有多，佢喺上年就突然宣布回歸寫真界，推出數碼寫真集《永遠のヒロイン》大曬誘人身段，比以前少咗分青澀，多咗幾分女人味，結果反應非常理想，唔知佢會唔會再推新作呢？！