有睇開《幪面超人》嘅朋友，應該都知道早喺十幾廿年前就已經有女拉打出現，魅力亦都唔會比男拉打遜色。今日同大家介紹嘅就係「幪面超人Poppy」女演員「松田るか」。

今年25歲嘅「松田るか」出生於沖繩，早喺小學5年級嗰陣已經被發掘入行，活躍喺當地電視節目及廣告，後來搬到東京發展並參演《幪面超人EX-AID》而人氣急升，獲得更多綜藝節目、日劇甚至電影演出機會。

雖然「松田るか」身材上可能比唔上大部份寫真女星，但佢就曾經喺2019出過首本亦係最後一本個人寫真集，憑住陽光甜美笑容征服粉絲並獲得唔少迴響。