{ SKIP }
文:MenClub 艾力克  
POSTED ON 15 Sep 2021

《幪面超人系列》50周年紀念之作,同時係令和第三部作品嘅《幪面超人REVICE》終於喺今個月正式播出,除咗睇拉打之外,當然唔少得入面嘅女角色啦!其中扮演反派Aguilera(アギレラ)嘅「浅倉唯」,一出場就令觀眾為之驚豔,瞬間成為日本Twitter熱門搜尋字眼。

今年25歲嘅「浅倉唯」細細個已經想成為偶像,不過由於父母反對所以一直冇機會實現夢想,後來去東京讀大學嗰陣偷偷參加試鏡活動,成功喺10,325名競爭者當中脫穎而出,以藝名「花川芽衣」出道擔任2.5次元虛擬聲優偶像團體「22/7」成員,從事聲優、偶像及Model工作,直到2019年因健康原因宣布畢業,但隔年就以現時藝名「浅倉唯」加盟事務所《LIBERA》。

「浅倉唯」於《幪面超人REVICE》飾演Aguilera(アギレラ)。

佢加盟《LIBERA》後第一單大Job就係參演《幪面超人系列》50周年紀念之作《幪面超人REVICE》,飾演反派首領Aguilera(アギレラ)。雖然目前只係播咗兩集,出場嘅時間又唔多,但就因為可愛甜美樣貌令人為之驚豔,瞬間收穫大量粉絲,就算IG冇咩相睇都有成5萬個Followers。

擔任「22/7」成員時期嘅「浅倉唯」。

隨住人氣急升,日前「浅倉唯」受雜誌邀請拍攝首輯寫真相,更係人生首次著上Bikini泳衣,展示不為人知嘅性感一面。相信佢日後會推出更多作品,有興趣嘅朋友記得留意佢IG同Twitter最新動向。

資料來源:Instagram@_asakurayuiTwitter@_asakurayuiTwitter#浅倉唯

所謂「男兒口大食四方」,原文下句本來就係意思唔太好嘅「女兒口大食窮郎」,但21世紀都過咗四份一啦,依家啲女人仲邊使靠老公食飯呀?所以計我話「女兒口大」一樣都係「食四方」。好似今晚要介紹呢位「木下遙」咁, ...
girls
【深夜】前天氣主播成職業雀士 「木下遙」口大食四方
14 May 2025
一個女星要於競爭激烈嘅演藝圈被人記住,需要身上有明顯嘅突點、記憶點。而今晚為大家介紹嘅「越智ゆらの」,佢嘅「突點」就非常明顯,就係喺佢個心口上面!你話睇唔到有咩咁「突」?你睇真啲先! ...
girls
【深夜】胸懷大痣 修長模特兒「越智ゆらの」
12 May 2025