由2009年7月開始，第一部1:1元祖高達面世之後，日本至今已經製作出4部1:1高達，而近日亦公佈第5部1:1高達將會登場，佢就係一直非常熱門嘅機體，阿寶駕駛嘅專用機 v-Gundam。

繼台場元祖高達、獨角獸高達、橫濱元祖高達以及上海嘅自由高達後，第5部1:1高達v-Gundam將落實位於福岡市嘅「LaLaport福岡購物中心」嘅高達主題景點「GUNDAM PARK 福岡」，預計面世時間為2022年春天。

今次製作嘅1:1 v-Gundam，外型將採用RG模型版本，較為特別嘅地方係本身機身黑色嘅部份將轉為藍色，同時背部絕對經典嘅浮游飛翔炮則被換成一支「長程翼狀浮游炮」，目的係為支撐機身之用。

相信v-Gundam嘅受歡迎程度絕對係唔需要多講，不過外型以呢個姿態出現又可能令唔少朋友感到失望，但有機會過去嘅話，都係會支持一下阿寶既。