相信有睇開拉打嘅朋友，應該都聽過「志田友美」呢個名，但你對佢嘅印象停留喺邊一個階段呢？係拉打女高司舞，定抑或係偶像時期嘅佢？隨住時間推演，昔日稚氣未消嘅阿舞已蛻變為性感少女...

今年24歲嘅「志田友美」，早喺2009年12歲嗰陣參演日劇《三角追蹤》出道，曾經係偶像團體「夢見青春期」成員（2019年畢業），又做過時尚雜誌《Pichi Lemon》專屬Model，期間仲登上過28次雜誌封面。但令佢為人熟悉嘅莫過於2013年出演《幪面超人鎧武》，並喺翌年推出首本個人寫真集。

現時活躍喺Model及演藝界嘅「志田友美」，就喺今年4月時隔7年再出寫真集，大曬77.5cm驚人美腿，展示成熟性感嘅一面，唔知佢有冇打算撈埋寫真個瓣呢？