對於愛貓之人黎講，貓就好似佢地嘅主子咁，佢地就只係為左服侍佢地嘅存在，不過佢地亦都非常樂意咁做。其實都好明白愛貓之人點解咁錫呢班喵星人，因為雖然大部份時間佢地都唔show你，但係有陣時都係會非常得意同可愛。

而愛貓嘅你可能會同貓咪玩好多唔同嘅野，但就絕對唔會好似以下呢兩位人士咁對待可愛嘅貓咪！

以上兩位呢位人士其中一位係29歲嘅MMA選手Albert Duraev，而另一位則係佢嘅朋友。喺影片入面大家可以睇到，呢兩條友竟然不斷來回咁拋一隻貓咪，隻貓喺空中完全做唔到啲咩，只能夠任人如肉。

而更令人震怒嘅係，兩個人喺尾段更將貓咪拋到360度垂直轉一圈咁樣，根本就唔當佢有生命，簡直係令人睇唔過眼。最後，佢地將隻貓放落地之後，佢完全係僵硬晒，完全唔會跑黎跑去或有任何動作，可想而知佢係被嚇得有幾驚。

呢件事已經引黎網上唔少愛護動作嘅人士作出嚴厲遣責，不過竟然仲有人夠膽死講，話因為佢地愛呢隻貓，所以先同佢玩，就好似你會將小朋友拋高再接番一樣。之但係你會唔會咁樣反轉再反轉咁樣拋個小朋友呀？真係離晒大譜！