{ SKIP }
文:MenClub 波特先生  圖:互聯網
POSTED ON 11 Jan 2018

今季由爵士轉投塞爾特人嘅明星前鋒Gordon Hayward,喺常規賽首戰只係短短上陣左5分鐘,就因為一次落地而腳踝骨折,在完成手術後球隊亦宣佈Hayward今個賽季將會報銷。發生一次咁嚴重嘅受傷,理論上真係要抖差唔多一年,但好彩Hayward都仲後生,回復能力有番咁上下,唔知佢又趕唔趕得切喺今季復出呢?

腳踝骨折後,Hayward需要長期帶上腳部嘅護具,以減少佢移動嘅機會及避免佢受傷嘅位置再次出現碰撞,另外又需要用上拐仗以減少腳部受力,直等到其受傷嘅地方自行修補。
而近日,塞爾特人總裁Danny Ainge就喺Twitter上面發佈左一張照片,其中可以見到面向鏡鋋嘅就係Hayward,大家再細心一睇就會發覺,其腳部再無帶住任何護具,同時亦無使用任何拐仗幫助走路。
雖然Hayward能夠唔使護具走路唔代表佢已經完全康復,但佢康後嘅過程明顯走喺正確嘅方向。當然,塞爾特人方面仍然一如以往表示Hayward今季將唔會復出,但Who knows?無人排除Hayward今季晚些時候,例如季後賽期間就可以重新上陣。
其中Hayward自己亦都期望能夠喺今季就能夠回歸,對此佢抱住開放嘅態度。唔知如今己經排名東岸榜首嘅塞爾特人,喺加上100%嘅Hayward後,能否衝出東岸挑戰總冠軍呢?
估唔到話咁快,官方就公佈《偽戀》真人版電影男女主角嘅人選,認真快手!
hobby
終於公佈!《偽戀》真人版電影男女主角人選出爐
25 Apr 2018
Manu我等著你回來~!
hobby
【拼盡了】這會是「鬼切」在NBA最後的光茫嗎?
25 Apr 2018