隨住全球最大加密貨幣平台Coinbase Commerce於美國納斯達克市場上市，日式居酒屋Okra主廚Max Levy對加密貨幣前景充滿信心，為客人提供加密貨幣電子支付方式，成為全港首間亦係暫時唯一一間能夠用加密貨幣畀錢嘅餐廳。

餐廳老闆兼主廚Max Levy表示，「我哋一直致力利用社交媒體以外嶄新科技，為客人塑造更稱心滿意嘅體驗。隨住電子貨幣及區塊鏈科技不斷發展，有助業界節省銀行同信用卡公司所收取嘅高昂交易費用，同時亦能夠令客人有更好嘅支付模式。」

Okra現正接受客人以比特幣、比特幣（BTC）、以太幣（ETH）、幣安幣（BNB）、幣安幣美元（BUSD）和瑞波幣（XRP）支付等值港元款項，不過就無得用Elon Musk最鍾意嘅無狗狗幣（DOGE）。

Okra表示為咗推出香港科技轉型，現時顧客只要用加密貨幣結帳，就可享有全單95折優惠，所慳返嘅5%正正就係客人用信用畀錢時商戶所支付嘅手續費。餐牌上所有價錢會以港元列示，客人畀錢嗰陣餐廳將會提供匯率資料。