{ SKIP }
文:MenClub 魏文青  
POSTED ON 21 Apr 2021

12支英超、西甲、意甲球會日前宣佈組成「歐超聯」,結果引起球迷憤怒,僅僅三日英超六支球隊就先後宣佈退出「歐超聯」,睇黎歐超聯都應該係搞唔成,真真正正「未開始已經結束」,球迷先勝一仗。巧合嘅係,一直被曼聯迷討厭嘅副主會Ed Woodward同日宣佈季尾離職,換言之曼聯球迷先係最終贏家!

6支英超球隊於當地時間週二晚上先後發表簡短聲明,內容大致都係會退出組成歐超聯,較為特別嘅係熱刺主席利維於聲明中就「因為歐超聯提案而造成的緊張與失望致歉」、阿仙奴個聲明就更加有趣,向球迷致歉之餘仲補多句「我哋嘅原意唔係要造成大家困擾,但當收到歐超聯邀請時,為咗保障球會及其未來,我哋唔想被人賴低。」

而歐超聯方面亦發表聲明回應六支英超球隊退出,強調歐超聯符合一切法規,仲有法庭保護,「就算冇咗六支英超球隊,我們都會繼續考慮重塑方案的適當步驟。」

另一邊廂,喺曼聯發出聲明退出歐超聯之前一個鐘,曼聯發表另一份聲明指,副主席Ed Woodward會於今季季尾之後離任。據《ESPN》報導,雖然曼聯方面指Woodward離隊與歐超聯事件無關,但據知日前「Big 6」與其他14支英超球隊開會時,「Big 6的某啲高層明顯地不受歡迎」,或者就係講緊Woodward。

前JP摩根投資銀行家出身嘅Woodward,自2012年繼任David Gill成為曼聯副主席,亦即係公司架構上嘅最大話事人。但一直以黎都有球迷指責Woodward淨係用曼聯搵錢、唔識波,前主帥雲戈爾亦曾公開指責Woodward,甚至有球迷因為不滿曼聯轉會窗表現,向佢間屋掟煙花及煙霧彈。

部份資料來源:ESPN
蜜蜂與人類生活息息相關,對地球生態舉足輕重,倘若蜜蜂消失,全球更會迎來一場生物大滅絕。最近荷蘭科學家就嘗試透過蜜蜂幫助人類戰勝疫情,訓練出能夠檢測肺炎病毒嘅蜜蜂,只要將檢測樣本畀班蜜蜂「聞一聞」,幾秒 ...
hobby
【科學】荷蘭科學家訓練蜜蜂檢測肺炎病毒 幾秒鐘就知結果!
07 May 2021
Microsoft創辦人Bill Gates與妻子Melinda Gates離婚一事震撼全球,除咗「分身家」一事成為眾人焦點,外界亦不斷猜測兩人分開真正原因。當大家仲討論緊會點「分身家」嗰陣,外媒《Fox Business》就突然出咗一篇有關Bi ...
hobby
【世紀離婚】傳Bill Gates因中國翻譯員而離婚 當事人:空穴來風會不攻自破
07 May 2021