如果有個連任三次的資深議員又出來參選擺明想第四次呃飯食，到底點先可以成功？有人話政治太黑暗，唔好講政治，唔想睇政治，但如果輕輕鬆鬆超低能勁搞笑政治笑片又會唔會想睇？未睇過輕鬆搞笑政治野？咁你要等等先港台近來停左「頭條新聞」，介紹你睇住韓國全新政治笑片《誠實選舉媽》，講一個擺明搵食的資深政棍又參選但忽然中邪咁講唔到大話，只能講真話，呢穫真係黃天碧雲，唔可以再騙可以點繼續選到？ 講真話做實事改變始於一念可能成功選民喊住投你一票！

如果你想輕鬆搞笑，起碼真係笑出來，咁近期呢部戲應可以成功，政治其實不難，講真話認真做實事選民睇得到分得出！今次套戲由《親切的金子》羅美蘭詮釋最誠實的候選人，諷刺現實選舉生態！一場意外居然令三屆國會議員朱尚淑講唔到大話，被逼句句真言食左誠實豆沙包，究竟點樣可以打贏艱難的選戰呢？

搞笑通常來自巨大反差，《誠實選舉媽》食誠實豆沙包 (與電影無關，只比喻)之前同之後完全係兩種唔同性格，係羅美蘭演技最強考驗，也是作為一個政客最重要的因素，做政客就係要圓滑，同時處理正經、搞笑、玩嘢、慚愧的戲份，如果係激烈嘅肢體演技當中，你交唔到戲成件事就會失敗，所以要達到搞笑的戲劇效果就要有巨大反差， 例如成班保安大陣仗抬走抗爭議員嘅時候身邊有一個做緊自己野的安靜文青，就可以做出戲劇效果。

我簡單講講點解我推薦呢部戲，唔係因為我有任何對政治的見解同期望，純粹因為呢套戲好很搞笑，可以讓你由頭笑到尾，呢下難得，而政治複雜但有時就係咁簡單，睇戲睇笑片只想笑得出，睇政治人物同樣只想佢認真講真話，選民同影迷其實都可能就係咁簡單！

故事大綱

韓國開畫票房No.1，實力女星羅美蘭寸爆政壇話題喜劇！從政有幾難？識講大話就得！以超強語言偽術完美包裝自己的國會議員朱尚淑（羅美蘭 飾）備戰連任，點知一場意外，令她無得再老作呃人！一開口就狂吐真言的她不斷自爆驚人內幕，美好形象幻滅之餘，更引來傳媒追撃，公眾支持度跌至谷底！到底她能否食住「最誠實候選人」的新賣點挽回民望，打贏這場艱難的選戰呢？

呢套《誠實選舉媽》下周四5月28日上映，曲定直難分但誠實絕對比陰險好