唔止香港，泰國都因為一個肺炎疫情經濟疲弊，近期泰國疫情趨緩好多行業都希望早日重新開業，包括商場、餐飲業、美容業以至按摩業都想重生，泰國公共衛生部周一指引要重開按摩業可以但就要以防疫為先，條件是只能對“腰部以下”進行按摩。原因？上半身對染疫係高風險，大家屈蛇在家三幾個月係咪想去享受泰式按摩呢？香港人雖然已從疫區名單中剔除，但最快要7月先可能飛泰國，到時為己為人享受正宗泰式按摩集中按下半身好啦！

根據泰國衛生部健康服務支持廳主管塔雷斯指出，若按摩上半身部位，例如頸項、背部、肩膀等等，顧客與按摩師就會落入染疫的高風險當中，所以最安全的按摩是按下半身，即腳部、足部、大髀、臀部等等。

都係喎，聽落有道理，最緊要防疫，我支持為左下半生健康先按下半身，7月唔知有幾多人拉隊出發體驗泰式養生。