{ SKIP }
文:MenClub 波特先生  圖:互聯網
POSTED ON 21 May 2020

相信唔少利物浦球迷對於前英格蘭國腳奧雲加盟死敵曼聯一事,應該難以原諒對方,甚至笑言呢位「反骨」射手係「曼聯名宿」。不過奧雲卻直言,當日佢離開紐卡素其實最想回歸利物浦,但卻被當時領隊賓尼迪斯拒絕。

奧雲由1991年開始於利物浦青年隊訓練,並於1996年正式出道,直至2004年離隊。其後佢轉戰皇馬及紐卡素,並於2009年轉投利記死敵曼聯。不過於利記多年都拎唔到聯賽冠軍,轉戰曼聯後於2010-11球季終於奪得其人生第一個,亦都係唯一一個聯賽冠軍。

奧雲回想當日即將離開紐卡素,佢第一件事就係打比加歷查,並要求對方比賓尼迪斯聽。可惜嘅係賓帥已經準備簽其他球員,好似大衛尼哥,所以球隊已經唔需要前鋒。其後奧雲經理人話比佢知愛華頓、候城及曼聯都有意簽佢,但佢知道加盟愛華頓會被憎恨,加盟曼聯亦都一樣。

當然奧雲第一選擇都係回歸利物浦,不過如果利記唔要佢,佢就要睇下面前嘅選擇,而其中曼聯可以踢歐聯,而佢亦唔使搬離住處,同時曼聯陣中佢亦認識多人,所以轉投曼聯係最好嘅選擇。

對於曼聯有意簽下自己,奧雲亦坦承自己好好彩,因為對方可是聯賽冠軍,最終奧雲一嘗所願奪得英超冠軍,但佢喺曼聯嘅表現確實不算亮眼,不過亦都可以與雲佩斯一樣加入不一樣的「曼聯名宿」陣容既。

太強啦泰臣!!
sports
【Fit爆】前重量級拳王泰臣將再上擂台!!
29 May 2020
如果佢無傷患嘅話....
sports
【眾星佩服】「外星人」朗拿度有幾強?
28 May 2020