催淚之蛋，何堪再擲，係我睇電影的格言，意思係從來我都避開所有洋蔥催淚會讓我情緒有機會哭崩的悲情電影，男人老狗睇套戲喊到7彩有咩謂。但人大了知道咁樣會錯失好多好的作品，就好像剛上了套講導盲犬和主人的「小Q」，有捅刀都唔死的任達華演躁狂男主人，再加郭晉安楊釆妮梁詠琪超多名星助陣，一個感動心靈的故事，狗狗通常比人短命，看著愛犬親密一輩子卻要面對分離，肯定不是味兒。雖然明知催淚，但我知道「怯」你就輸一世，所以今週我肯定無懼入場，明知催淚無愁無懼怕買定魚蛋入場撐「小Q」。

電影《小Q》改編自小說《再見了！可魯》，是15年前的日本電影《導盲犬小Q》的香港版電影《小Q》，由任達華、梁詠琪、羅仲謙主演，如無意外，入場觀眾都好可能被情節所觸動，眼淚流滿面。

假如大家有養過小狗應該都知道，狗仔是你人生以至家庭的一部份，正常來講，狗主人好大機會會睇住你的小狗變成大狗再成為老狗，最後送別。每一個曾經當過狗狗主人的，都肯定有眼淚流出過，也許好些朋友唔再養新的寵物，原因是受不起捱不住再一次的打擊。最初睇到有港版《導盲犬小Q》作，「小Q」，真係唔想入場睇的，我想起我曾經養過的小狗，狗隻生涯的未聲，眼淚就不自主流下來，都未去理小Q呢套戲到底講咩野！

不過，我們還是應該正面面對人生的離別喜樂，要來的終歸要來，不可能因此逃避錯失良緣，狗永遠是人類最好的朋友，如果有人再以「狗」去比喻唔好的壞人，我會第一個跳出來鬧爆，狗比人更有靈性，這世上好多人遠遠不如狗。

「小Q」劇情：

8月15日已全線公映