近日炒都好熱話英國男星Richard Maddson將會成為下一代的007占士邦，原因？可能就因為英國近兩個月爆出一套席捲英國的超級電視劇Bodyguard《內政保鑣》，無錯當下英國最火熱紅劇就係呢套，開播後已贏得十年來最好的劇集收視佳績，串流平台Netflix已經買下全球版權，將於10月24日上架。

《內政保鑣》(Bodyguard)  由好有可能是新占士邦的Richard Maddson主演，加上佢拍檔Keeley Hawes擔任女主角，演員都好有叫座力. 剩係睇Richard Maddson點樣做保鑣做到上位紮職變埋英國國寶007已經值回月費。

劇集內容是講Richard Maddson飾演的David Budd係一個退伍軍人，佢就有創傷後遺症困擾住，回國後的工作就係保護政府高官內政大臣Julia Montague (由Keeley Hawes 飾演) ，一方面有政見的唔同，一方面又要處理自己的創傷後壓力症候群，仲加上面對不僅受到恐怖攻擊的威脅，在政治權力之間的爭戰，加上最後居然同自己要保護的內政大臣有感情的火花………..(唸起如香港會拍套前保安局局長葉劉同保鑣的幻想故事的話………。)

《內政保鑣》(Bodyguard)  編劇（Jed Mercurio）撰寫，他曾以英國警匪劇《Line of Duty）打響名堂，《內政保鑣》是虛構的驚悚影劇，不過在內政大臣「Julia Montague」的角色與諸多劇情設定上面，影射時下的英國政治，讓劇集成為話題之作，第一集於英國開播時，獲得1,040萬收視人數，破左拍攝單位BBC紀錄，被評為是英國近年最成功的電視劇，而且唔單止首播成績好，每一集都有好高的收視人數，真係帶起熱潮英國觀眾係集集追看，而且網路口碑一面倒推薦，爛番茄網站得到100%新鮮度好評，IMDB網站則是8.6高分。評價超卓值得大家睇一睇

此劇在英國首播後引起國內廣泛討論，相信除了因為劇情緊湊配合凝重寫實的格調，令觀眾緊張抖不過氣來外，劇情也牽涉到近年困擾英國的恐怖襲擊和極端宗教主義議題。這套電視劇只有6集，屬於政治迷你劇集，但咁收得當然會有第二季出現，不過暫時就未有任何呢方面的消息，但出品人Jed Mercurio表示他已經開始構思第二季的劇情，若BBC 最後決定開拍第二季，他必定會參與。無論如何香港的朋友不妨追看一下呢套英國神劇，驗証一下呢位蘇格蘭口音超重的Richard Maddson是否有資格演下任007

不過呢套劇的成功引致官方蘇格蘭場真正內政保安部門跳出來澄清劇集內容是錯漏百出內容好唔真實叫民眾唔好相信係實情咁話，咁當然，假設拍套葉劉保安局長同下屬產出情愫唔通你又要信以為真？拍劇姐

Netflix《內政保鑣》串流影音上架版權，將於2018年10月24日全球上架。而英國BBC則會於9月23日播出第一季最終大結局。