卻說最近我上網學到個生字「純慾」。雖然呢個字貌似係來自中國，但近來台灣亦開始有人同黎形容集「純情可愛」同「性感誘人」於一身嘅人，用返我哋熟悉嘅表達方式，大概就係「天使面孔魔鬼身材」，如果你都係唔明呢，我就嘗試用「渕 (讀音：淵) 上ひかる」黎解釋。

現年26歲嘅「渕上ひかる」，從小就熱愛運動，尤其熱愛手球，中學時期更曾代表學校出戰全日本高中綜合體育大會，同時亦熱愛觀看所有體育比賽。畢業後佢曾經參演過舞台劇，2017年參加日本電視台嘅劇集而出道，再於2020年轉戰寫真界，同時亦有於賽車女郎界活躍，雖然目前未登上過著名嘅《週刊Playboy》、《Young Jump》、《Young Magazine》等雜誌，但亦推出過兩隻寫真DVD，以及非常多電子寫真。

或者係由於長年運動嘅關係，身高162cm嘅渕上ひかる身材非常緊緻，縱然心口部份冇咩睇頭，但一對長腿再加上緊實Pat Pat就依然誘人，所以日本傳媒都以「艷麗」黎形容佢嘅身材。但相對之下，佢就經常淡妝、甚至素顏出鏡，加上略帶慵懶感嘅眼神，透露出一種清純感。唔知大家又覺得佢符唔符合「純慾」嘅標準呢？

IG：kiranosukeee