有無搭車、食飯都用Netflix煲劇嘅朋友？Netflix今日推出嘅「智能下載(Smart Download)」新功能或者會啱你！「智能下載」功能喺你嘅裝置連接到Wi-Fi後，就會幫你自動下載下一集，仲會順手Del埋上睇完嘅集數，幫你慳返Data之餘，又唔怕煲煲吓劇唔記得下載新一集。「智能下載」率先登陸咗Android 平台，而iOS平台亦將會登陸。

「智能下載」究竟點用？只要你睇完煲緊嗰套劇之後，當電話或平板電腦連接咗Wi-Fi 後，Netflix應用程式就會自動刪除已經睇過嘅集數，然後幫你下載新一集(如有)。目前大部分Netflix上嘅劇集已經支援「智能下載」功能，但目前只係登陸咗Android 平台，Android 嘅用家今日開始就可以試用喇！

根據Netflix統計，香港、泰國、新加坡、馬來西亞、菲律賓及印度嘅用戶，以行動裝置下載節目及電影嘅數量係全球最高，反映出大家喺返工放工、搭車嘅情況下都會用Netflix煲劇。有咗「智能下載」就唔怕搭車入隧道Load唔到片喇，亦唔月尾月頭用哂Data要俾電訊商收多100蚊先有多1GB。