{ SKIP }
文:MenClub 魏文青  
POSTED ON 10 Jan 2018
好多人為咗養寵物,又或者希望寵物有更多活動空間,都特登搬入新界村屋住。但住村屋有個問題,就係好難阻止主子們出街玩,如果係狗都還好,但如果你主子係貓,佢真係可以無尾飛舵咁唔知去咗邊。作為一個稱職嘅奴隸,就緊係要掌握主子嘅行蹤再帶佢返黎食飯,所以以下呢個Tractive GPS就啱哂你啦!
GPS Dog Tracker
Tractive本身就已經出開寵物用嘅GPS追蹤器,亦有出監察主子們活動情況嘅「Tractive Motion」,但最新嘅GPS Dog Tracker就將兩者合而為一,並且縮小體積(舊版有部Call機咁大,如果主子係小型犬都幾累贅)。追蹤器可以輕易掛上主子原本嘅狗帶之上,再上專屬APP追蹤主子行蹤,同時監控佢每日嘅活動情況。
舊款係咁樣嘅
而 GPS Cat Tracker就更加全新產品,本身就係一條頸帶嘅Cat Tracker可以直接佩帶於主子身上,而且只重32g,從圖片亦可以見到佢體積細小,相信唔會阻礙主子們活動。但呢個Cat Tracker有一個好處,同時亦係一個壞處:佢可以強行扯開(Breakable)。由於貓主子會擒上擒落又可能會爬樹,為防頸圈卡死於物件上令主子窒息,現時市面上嘅貓頸圈大多都有同類設計。問題係Cat Tracker喺邏輯上就係要跟實主子先有用,一個好容易整甩嘅追蹤器,仲算唔算係「追蹤」器呢?
Tractive指兩款Tracker都會於幾個月內上市,雖然冇公開售價,但據報就會同Tractive目前嘅產品差唔多,即係大約100美金有找。幾舊水買個搵返主子嘅保障,其實都抵呀。
Tractive

綠色和平就炮轟Apple與其搞機械人回收產品,不如集中火力,延長產品壽命,咁先係真正環保。
tech
Apple推回收機械人Daisy 環團籲延長產品壽命
20 Apr 2018
大熱嘅雙鏡頭加上親民嘅系統,仲有2K曲芒,Nokia粉絲會否心動?
tech
蔡司雙鏡+2K屏幕 Nokia 8 Sirocco回歸
20 Apr 2018