西蘭花味? 日本出《Pokemon》主題麥旋風

文：MenClub 魏文青　　
POSTED ON 11 Jul 2017

為咗宣傳《Pokemon》最新劇場版《就決定是你了》，日本麥當勞就準備推出一堆期間限定、以唔同Pokemon做主題嘅麥旋風，當中除咗有大家見慣見熟嘅「紫薯」、「白桃」之外，仲有好幾隻奇怪特別味道，你又想唔想試下呢？
奇異種子係西蘭花味耿鬼係紫薯波波球就係白桃
值得一提嘅係日本麥當勞目前嘅玩法係叫Fans喺官方網站投票，點出佢哋想見到邊隻味，再RT去自己Twitter，如果估中咗就可以得到優惠券，換言之呢六款味道唔係每一隻都會出哂。都係嘅，奇異種子係西蘭花味、小火龍係辣椒味喎，出咗都冇人想食啦下話？
比卡超係朱古力香蕉小火龍係辣椒車喱龜就係波子汽水
目前最高票、亦最合理嘅就有比卡超嘅朱古力香蕉同耿鬼嘅紫薯。無論如何，新嘅口味會於15日於日本M記推出，大家如果去開日本就可以試下啦。
Mcdonald.jp