正所謂面就人地比，架就自己丟嘅！日前，勇士球星Klay Thompson再次到訪中國參加活動，並被安排參加一場友賽，但最終呢場賽事卻以不高興嘅方式完結，原因係因為一位前CBA球員呂曉明竟然惡化對手，引起所有人不滿，並隨即被大力聲討。

從影片中可以睇到，處於防守端鎮守籃底嘅呂曉明，當對方切入準備上籃之際，竟然蓄意將對手晾低，雖然對手無嚴重受傷，但其行為明顯係一個非常危險嘅動作。所以，對方及其隊友立刻上前同呂曉明理論，並隨即發生肢體碰撞。

對於呂曉明嘅行為，平時係好好先生嘅Thompson亦都非常憤怒，並對對方怒噴Bullshit，因為佢認為呢個動作有可能終止其朋友嘅球員生涯，所以最終佢嬲到怒掉水樽拉隊走人！

其後事件從球場轉至網上，唔少網民對於呂曉明嘅行為非常不滿，並轟炸其微博，令佢隨即將微博刪除。及後呂曉明又再重新開另一個微博，並發出一篇道歉文，但明顯網民都唔領情，繼續對佢炮轟，甚至揚言佢已經將中國人嘅架都丟晒，甚至係丟架丟出國際。

部份網民回應：