30歲喺唔少人眼中都係一條界線，用黎分別人成熟還是唔成熟，而喺男人身上就更加明顯(當然有部份人永遠都長唔大)，因為佢地無論身體定係心理都有所變化。

而作為一個正常人，你都一定想追求更好嘅自己，而30歲或以上嘅你，請停止以下行為，咁樣你就有機會成為一個更好嘅男人！

1、不為你相信的事努力

我地而家做緊嘅野理論上都係自己認為岩嘅事，我地盡力以我地所能理解嘅程度去將事情做到最好。不過有時候無論你幾努力都好，事情都未必會好似你預期一樣咁發生，不過你必須盡力去創造，如果你自己都唔相信就一切都變得沒有意思。而達成目標之前你所經歷嘅失敗，其實並唔重要，所以直到你完成並得到佢之前，請唔好放棄。

2、吃快餐

在地上生活嘅頭30年，你可能並無認真思考過新陳代謝對你嘅影響，不過當你開始感受到變化嘅時候，你可能就會後悔當日點解食咁多快餐。有一日，你會突然發覺快餐真係一啲營養價值都無，我地需要食容易消化、能夠令我地表現更好嘅食物。如果你真係想食快餐，咁就去一間有沙律食嘅快餐，咁樣你嘅身體就能夠保持得更好。

3、想去買一隻狗

養一隻狗可能你會想到嘅係責任，但係實際上你需要有能力去養活佢，比野佢食、有足夠大嘅空間比佢活動、比錢佢去睇醫生，所以背後其實需要你有足夠嘅財政能力。另外，你可能會去想，擁有一隻狗會令你嘅社交有所改善，因為你會帶佢去散步，甚至陪佢跑步，其間可能會有女性埋身，令你嘅人生有所變化。但事實上養一隻狗只會令你嘅生活變得更加複雜。

4、不限制自己喝酒

當你30歲嘅時候，你應該都知道新陳代謝會相對地突然減慢得好緊要，你身體對營養嘅吸收亦都會同時減低。不過有樣野你可能唔知的，就係卡路里有4種主要內源：蛋白質、碳水化合物、脂肪及酒精。每克蛋白質及碳水化合物含4個卡路里，而脂肪則係每克含9個卡路里，最後酒精則係每克含7個卡路里。而當你飲酒嘅時候，身體更加首先考慮酒精嘅卡路里，從而儲存喺體內。

5、不考慮自己的身心健康

當你年輕嘅時候，好似10幾至20幾歲期間，大部份人都覺得自己好健康，所以無對身體有太多嘅保養。不過當你30歲嘅時候，你會好似無咩時間去打理自己嘅身體，好似工作、家庭、女朋友(如果你有)等，都令你忙到透唔到氣。同時你身體嘅回復力已經開始轉差，要調整生活亦變得更加困難，所以喺你嘅日程入面加入增強身心健康係至關重要的。

6、身邊總是糖

如果你非常愛含糖嘅東西，甚至已經成癮，咁要逃離係非常困難嘅事，特別係如果你過去30年糖已經成為你不可或缺嘅東西。而減少食糖，將可以大大減低威脅性命嘅疾病出現，同時縮減你嘅腰圍。如果你真係需要糖，盡可能搵一些東西去取代，再慢慢減少每日攝取嘅糖分。

7、總是遲到

試諗下如果一位大學教授上堂遲到15分鐘，相信所有同學都已經走晒。要知道呢個世界時間就係金錢，如果你同對方有生意上嘅來往，遲到將令你需要付出巨大嘅代價，並且令你距離成功越黎越遠。準時會令你建立起誠信，所以除非真係有特別原因，否則遲到係不能接受的。

8、在健身室隨意做做運動

如果你已經超過30歲，並且正努力進入健身室嘅話，你已經比唔少人更加出色了。不過如果可以請加大你嘅訓練量，而唔好只係玩一啲自己接受到嘅強度，要知道你嘅時間好寶貴，如果只係喺健身室玩玩下嘅話，不如去玩自己真正鍾意嘅運動，全情投入傾盡全力可能收獲會更大！