{ SKIP }
文:MenClub 魏文青  
POSTED ON 11 Sep 2017
德國廠商Tsume Art每一次出嘅雕像都可以用「驚艷」黎形容,尤其係《一拳超人》系列就更加係超級精緻,就算只係幾百蚊貨仔嘅Xtra系列都交足貨。而近日佢哋推出高級HQS系列嘅新作,繼上次發光嘅傑諾斯之後,今次就輪到師父埼玉登場!


HQS屬於Tsume Art嘅最高級系列,之前都會加入大量發光組件,令雕像效果更加華麗,不過今次嘅埼玉老師就回歸基本,以雕功及塗色決勝負。場面係埼玉老師去買嘢時遇到怪人從背後襲擊,左手仲拎住袋餸,右手隨便一拳就打穿成隻怪人。怪人嘅皮膚、被打穿嘅位置、老師嘅肌肉紋理都非常精細,Tsume Art亦巧妙利用光、啞兩色塗色,令埼玉老師嘅衣服、怪人嘅皮膚充滿質感,同時又令老師嘅皮膚、怪人嘅內臟等位置「栩栩如生」,雖然冇華麗燈光,但一樣係高水準之作。仲未計佢除咗「認真顏」之外,仲附送「普通顏」嘅老師頭像,一換上成個雕像就由有型變搞笑!


咁高水準嘅作品,只係賣499歐元,仲要限量1800隻,所以一推出就已經賣哂。睇黎大家都只可以睇相啦。
Tsume Art


真係「有志者鄧竟成」!
hobby
【Wow!】唔使一年,Mike Bibby化身大隻佬!
18 Jun 2018
不過目前只有公開出《通靈王》模型原型,售價同發售日期都仲未落實,想買嘅粉絲要密切關注!
hobby
《通靈王》20周年紀念 推出超精緻「麻倉葉」&「葉王」模型 ... ...
18 Jun 2018