{ SKIP }
文:MenClub Mean娜  圖:互聯網
POSTED ON 01 Sep 2017

9月1日開學日,又係唔少學生惡夢嘅開始,日9日都要返學->補習->課外活動->做功課->溫書無限輪迴,仲邊有以前阿媽話︰「衰仔!又掛住打機唔溫書!」呢支歌仔唱丫?而家啲學生可以瞓夠8個鐘已經要感恩,邊得嚟extra嘅時間打機去「影響」成績呢?之不過,雖然由細到大都聽啲老媽子s話︰「阿衰仔掛住打機搞到成績變差!」,但其實打機係咪真係會令成績變差先?


日本一位以博學多才聞名嘅補習名師林修曾經喺節目「林先生が驚く初耳学!」上,解構過「打機令成績變差」之說。



佢仲拎埋政府數據去Support,發現「不打機」同「每日打一個鐘機」嘅學生喺語文科目嘅成績其實差唔多。


不過如果係「打兩個鐘以上機」,成績就明顯下降。


咁唔通成績變差真係關打機事?


林修就話︰「打少陣機都唔代表會讀多咗書啦!重點係要培養分配時間嘅自我管理能力」Exac7ly丫!打機同成績差唔會有直接關係,只不過係喺有限時間入面,佔大部分時間打機就成問題,但就算唔打機都未必會讀書,可能拎嚟做其他嘢︰食吓嘢、瞓吓覺、Hea吓、溝吓女……大把嘢可以做,都唔一定要讀書。




所以大前提應該係要學識分配時間,唔好再一味賴晒打機,就算唔打機,沉迷其他嘢一樣衰硬!


Wahyu Mahendra所拍嘅夢幻印尼,同大家所見嘅陽光風景相非常唔同,一齊欣賞下先~
gags
自學成才攝影師 夢幻的印尼風景
22 Jan 2018
美國哈佛大學醫學博士Andrew Weil教嘅「478呼吸大法」,據講一分鐘就可以助你入睡。
gags
一分鐘即可入睡 478呼吸大法
19 Jan 2018