又到年尾，各大網站影音平台紛紛公布自家嘅年度報告，色情影片網站龍頭Pornhub亦唔例外，日前就公布網站本年度各項數據，等大家可以知道咩Keywords最多人搜尋，唔同國家嘅人鍾意睇咩類型嘅片等等，一齊嚟睇下你有冇份貢獻流量？

今年有別於過往，報告入面並冇提到網站全年瀏覽次數（可能條數唔靚仔？），不過該有嘅排行都有齊。首先關字鍵方面，今年最多人搜尋嘅係「hental」，即日文「變態」嘅羅馬拼音，意指色情或情色動漫作品（多數出自日本），緊隨其後嘅分別有「japanese」、「lesbian」、「milf」、「pinay（菲律賓女性）」等等。值得一提嘅係，「teacher」呢個字一年間躍升咗14名，官方就解釋事緣有位台灣老師喺Pornhub教數學，成功吸引海外網友關注，自然多咗人搜尋「teacher」呢個字。

至於影片類型方面，橫觀全球可以發現日本嘅文化輸出確實十分強勁，俄羅斯、中國、東南亞、半個南美洲嘅人都鍾意睇日本出品嘅片（hental或japanse），而「ebony（黝黑膚色女性）」係美國及大部份非洲國家相當受歡迎，加拿大、澳洲以及部份歐洲國家最鍾意睇嘅係「lesbian」。

以前大家多數用電腦睇AV，甚至資歷更高嘅「老司機」係睇碟，但隨住科技發達，數據顯示目前超過8成人係透過手提電話睇片，乜大家唔會覺得個Mon太細嘅咩？報告亦提到其他有趣數據，有興趣嘅朋友可以去官網瀏覽完整版。