台灣數學老師張旭係 Pornhub上傳微積分教學影片廣為佳話流傳海外，不過原來張Sir同時經營YouTube頻道，同樣影片長觀看流量低落，但最近佢終於搵到YouTube經營之道，經過招聘助理幫手刷下黑板馬上成功極速刷破十萬，挑戰自己。係Pornhub要睇數學，係YouTube緊係要睇助教啦，張Sir團隊「好波」！

11月22 日，張Sir上傳台大 108 轉學考微積分 B 卷的試題解說，基本上學術性依然，不過今次老師請出助教協助，雖然助教只簡單擦個黑板，但大家學習動機馬上千倍增加，老師數學進程教快點，擦多幾次黑板，流量應該刷出新高。助教加持張Sir的頻道創下自己Youtube最高觀看瀏覽次數，一日就已接近 10 萬觀看。

要贏人先要贏自己，過往數據張老師的教學頻道觀看次數只有1,000 上下，只有少數教學影片達到五位數，不過今次新影片搵個「好相與」親和助教協助擦黑板就引發咁大效果，好多網友係底下留言指某個特定時段「複習好多次」。

當然，醉翁之意不在酒而在乎微積分也，想學好數學的朋友要多多支持張Sir的頻道，讓張老師持續進步！數學其實好有趣，不只是36-24-36！