用橫向嘅電腦螢幕睇片固然過癮，但用嚟睇社交媒體就未必係最理想嘅選擇，事關FB、IG、Twitter以及部份討論區都採用垂直滾動設計，變相每睇幾個Post就要向下碌一碌。最近有日本家電鋪就出咗一款又長又窄嘅螢幕，啱晒一眾網絡成癮者需求。

相信大家都知道，各大社交平台同埋唔少網站為咗方便智能電話及平板用戶，一般都會採用垂直版面設計，大家只要不斷向下拉就可以睇到更多內容，所以螢幕愈修長就可以一次過睇更多Post或Feed。於是日本家電鋪Nojima就出咗一款8.8吋超長螢幕EK-MD088，解像度為 420 x 1920，等大家唔使經常下碌，一次過睇晒10幾個Feed，而且又唔會太佔空間，尺寸就好似一部拉長咗左iPhone，可以當作副螢幕使用。

呢個獨特螢幕售價灼14,800日圓（約HKD$1,000），採用mini-HDMI接駁及USB Type-C供電，有興趣嘅朋友可以到Nojima官網了解更多。