{ SKIP }
文:MenClub 魏文青  
POSTED ON 10 Jan 2018
所謂LiFi全名為「Light Fidelity」,即係以可見光取代電波作通訊嘅技術,最早於2008年由愛丁堡大學教授Harald Hass開始研究,但一直都未有廣泛使用。但喺今年CES中,一間名為Oledcomm嘅公司就推出咗一盞用上LIFI技術嘅檯燈「MyLiFi」,唔知又會唔會係LiFi進入民用市場嘅第一步?
MyLiFi主要分成兩個部份,一個係可插上網線嘅檯燈,另一個接駁上電腦等裝置嘅接受器。原理係檯燈會將上網訊號轉化成光暗變化,以LED燈以肉眼分辨唔到嘅速度閃爍傳送,接收器收到之後再運算成數據,傳送速度為23mb/s。其好處係完全冇WiFi會產生嘅幅射,以及能夠控制訊號傳送(隨離屋唔會收到)。

但LiFi都有其不足之處,首先正因為光唔能夠穿牆,以往用一個WiFi就能覆蓋嘅屋企,就變成每間房都要有一個LiFi裝置,而又因為MyLiFi需要接駁Lan線,換言之你每間房又要有Lan線插座,咁我不如插線上網?第二,亦係最重要嘅一環,一盞MyLiFi賣840美元,即係6500銀港紙,比起一般家用Router貴幾十倍,仲未計你要裝到一屋都係先能有效覆蓋。相信都真係要非常鍾意試新科技,又有返咁上下財力嘅人先會買。

最後提提大家,眾籌有一定風險,大家要小心選擇!

Indiegogo
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024