{ SKIP }
文:MenClub 艾力克  
POSTED ON 20 Jul 2021

日前挪威女子沙灘手球隊於保加利亞出戰歐洲沙灘手球錦標賽,但因為上陣時拒穿大會指定嘅比堅尼泳褲,換成「不合規定」嘅運動短褲,而遭歐洲手球聯合會(EHF)罰款,引起網民熱議。

(圖片截自:Twitter

根據國際手球總會(IHF)規定,女性沙灘手球運動員上身應該穿著緊身運動內衣,下身就係比堅尼泳褲,並且褲頭寬度唔可以超過10cm,所以挪威隊著短褲上陣點都冇得拗,而歐洲手球聯合會(EHF)亦決定向每位挪威隊運動員罰款150歐元,總計1,500歐元。

(圖片截自:Twitter

(圖片截自:International Handball Federation-Rules of the Game

對於違規一事,挪威選手Katinka Haltvik就話大家事前就知道會罰錢,換短褲行為屬於自發,希望今次可以為其他對服裝感到唔舒適,但又無法接受罰款嘅球隊鋪路。挪威手球聯合會會長Kare Geir Lio亦表示,如果運動員只係為求舒適而著短褲,佢哋好願意支付罰款。其實呢個議題喺沙灘運動界嘈咗好多年,有球員認為比堅尼泳褲除咗過於暴露,又會令佢哋生理期感到不適。

令人無奈嘅係,另一邊面廂嘅兩屆殘奧運冠軍、英國田徑選手Olivia Breen,就因為日前被一名官員鬧佢條運動褲太短,令佢無言以對。佢覺得只要冇違反規定,自己有權選擇穿著任何服裝,並話下個月東京殘奧會佢都會同樣著三角褲參賽。或者對運動員嚟講,著衫最緊要舒服同唔影響發揮,唔知大家又覺得女子沙灘手球應唔應該硬性規定著比堅尼泳褲呢?

資料來源:insidercnn
網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024