{ SKIP }
文:MenClub 波特先生  圖:互聯網
POSTED ON 24 Mar 2020

近期武漢肺炎於歐美地區出現大型爆發,其中體育圈中亦特別受到關注,因為NBA、各地足球聯賽等都相繼出現球員確診,令一眾球迷相當擔心。

作為武漢肺炎確診「NBA第一人」嘅爵士中鋒Rudy Gobert,目前仍然處於自我隔離嘅狀態,而佢日前就向公眾談到自己確診後出現嘅徵狀,其中就包括失去味覺及嗅覺。Gobert表示,過去4天佢一直無法聞到任何氣味,並詢問有無確診嘅人有同佢類似嘅徵狀。

對於Gobert嘅徵狀,有耳鼻喉專家就指,可能係武漢肺炎病毒於隱性攜帶者出現嘅警告訊號,要知道即使染上病毒唔少人都無出現任何病徵。

除左Gobert,另一位曾於愛爾蘭球隊效力嘅足球員Lee Duffy就表示,自己於兩星期前確診武漢肺炎,並於醫院住上8天,期間佢曾經無法自主呼吸,並要靠氧氣機供給維持,情況曾經令人擔心,幸最終已經度過危險期。

可以睇到武漢肺炎病毒嚴重打擊球員嘅心肺功能及有關口腔附近嘅神經,如果大家放鬆變得輕視嘅話,將可能出現不可逆轉嘅嚴重後果!

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024