作為同樣位於東南亞，而且都係地少人多、以第三產業為首嘅發達城市/國家，香港與新加坡一直都係被視為互相比較嘅對象。而近日新加坡政府就推出新嘅「運載條款」，規管乘客於巴士可能作出嘅擾民行為，例如大聲播片等，違者可被罰款300新加坡元，即約HK$3000左右。相信唔少要逼巴士返工放嘅香港人都會好羨慕。

圖片：Wikicommons

據新加坡《聯合早報》報導，當地四間巴士業者與全國交通工友聯合會共同擬定、由政府「陸路交通管理局」發佈嘅新「運載條款」（Conditions of Carriage），將會於當地時間今日起開始實施。條款「涵盖有序得體的通勤行為、安全行為、维護公共衛生和清潔，以及確保旅途優雅且包容」，而新加坡交通局局長Baey Tam Keng則指條款可以為乘客及車長提供一個安全且舒適嘅乘車體驗」。

圖片：Pixabay

雖然目前未有關於條款細節嘅報導，但去年12月起當地巴士已貼有標語，提醒乘客使用手機時要注意音量、切勿坐在車廂地板、不要占用多個座位等。新條例其實係界定出巴士公司及車長往後嘅處事手法及範圍，當局亦會於明年上半年公佈更多巴士乘客管理嘅細節，預計將會於目前已有、針對地鐵乘客嘅「快捷交通系統條例」睇齊。

而據當地「快捷交通系統條例」，地鐵乘客如有擾民行為，可被發告票並罰款300新加坡元，如果係隨處便溺等更嚴重過犯，則可達5000新加坡元（約HK$29,200），地鐵業者可要求乘客落車，亦有權報警處理。

資料來源：聯合早報、channelnewsasia