{ SKIP }
文:MenClub 小白臉  圖:互聯網
POSTED ON 11 Oct 2018

19世紀初Barber Shop已在英國出現,為一眾紳士提供剪髮、美容、剃鬚等服務,當時係上流社會嘅玩意,嚟到宜加呢個年代Barber Shop巳經變得愈來愈普及,亦跟住潮流改變。不過當中嘅服務好多人都唔了解,今次就同大家一齊嚟窺探Barber Shop嘅世界。

當中Barber Shop服務包括剃鬚或修剪鬚型,但係香港男仔較少會留好長嘅鬚,未必個個都可以嘆到有人幫你剃鬚嘅享受。英式Barber Shop會係幫客人修鬚前,利用幾塊熱毛巾敷係面上。到底咁係為乜?

【打開毛孔】

原因好簡單,因為毛巾嘅熱力可以令面上毛孔打開,令毛囊容易暴露出嚟。剃都剃得容易D。另外亦可以當係皮膚的鬆弛劑,令面部放鬆,減少剃鬚剃傷嘅可能性,同剃鬚帶來嘅傷害。

【令你變軟】

第二係變軟你嘅毛髮,熱毛巾除左可以打開毛孔更可以令毛髮變得柔軟。毛髮軟左剃鬚嘅時候就會減少阻力同減少傷害,剃得更順滑更方便。

【嘆住剃鬚】

除左以上嘅功能,熱毛巾敷面當然仲都係一種享受。乜都唔洗做,合埋眼俾熱力敷住塊面,嘩~個種暖粒粒嘅感覺真係「ki-mo-chi」。有D髮型師仲會用帶有薄荷香味嘅毛巾幫客人敷面,簡直係一種特別嘅享受。

【冰火敷面】

剃完鬚後,髮型師仲會再俾另一個毛巾你敷面,但同啱啱嘅熱毛巾相反,係一條由雪櫃扲岀嚟嘅毛巾。呢仲冷敷具有相反嘅效果係熱敷後必做嘅步驟。理由好簡單:可以封閉毛孔,令毛孔變得緊緻。亦可以冷卻同鎮靜皮膚。冰火嘅感覺係咪好多男人都試呢。

如果想嘆又唔想去Barber Shop,其實都可以自己係屋企DIY試下嘅,但千祈就唔好用過熱嘅毛巾啦。不過Barber Shop服務真心值得大家都感受一次。

講起執筆寫字的需求越來越少的世代,一枝筆由日常生活物開始跳出,成為特定情況才會用的書寫工具。由是如此,一枝靚筆就如名貴手錶一樣,變成了身分象徵。向來專門奢侈書寫工具的Montblanc,今次高級系列「High Arti ...
style
【向康熙致敬!】Montblanc「High Artistry」皇帝龍頭筆系列
12 Dec 2018
【銀河唯一】美國影視界將會Reboot咸蛋超人系列 美國跨媒體製作人Starlight Runner Entertainment已被東京的Tsuburaya Productions 委以重任將會於日本以外重建日本超人系列的新神話,其中包括可能開拍電視劇等 ...
hobby
【銀河唯一】美國影視界圖Reboot咸蛋超人系列
12 Dec 2018