{ SKIP }
文:MenClub 魏文青  
POSTED ON 08 Nov 2016
唔知由幾時開始,日本啲動漫、特攝作品就好鍾意出浮世繪,而且每一張都唔平。但觀乎佢哋出得咁樂此不疲,睇黎又真係幾受歡迎。所以繼《Star Wars》、《Ultraman》之後,連《Pokemon》都出浮世繪啦!


今次出嘅《Pokemon》浮世繪有兩款,分別都係向歷史上有名嘅浮世繪致敬。第一款名為「かんとー地方くちばしてぃ」,係向歌川廣重嘅名作《東海道五十三次》入面嘅其中一張《神奈川:台之景》致敬。《東海道五十三次》描繪嘅係江戶時代由江戶(東京)到京都沿途53個「宿次」(即驛站)嘅風景。而今次《Pokemon》版就將原作中嘅行人換哂做小精靈,海面上亦有水系小精靈暢泳。


第二款叫「対決かびごん」,係向月岡芳年嘅《義経記五条橋之図》致敬。原作嘅故事係弁慶與義經於五条橋上相遇嘅一幕。相傳當時弁慶正在進行「刀狩」,凡見到任何配刀武士就會上前挑戰,遇到義經之前已經狩得999把太刀。當時佢見到義經身上有黃金寶刀就上前挑戰,點知當時只得11歲嘅義經武藝高強,身輕如燕,以柔克剛折服弁慶,從此弁慶就成為義經嘅左臂右膀。

而《Pokemon》版嘅弁慶就換成卡比獸,本身拎住嘅長槍亦換成蘋果芯,而義經就換成小智,另外加多隻比卡超與卡比獸纏鬥。成件事就可愛咗好多啦!



呢兩款浮世繪到今年12月18日之前都有得去Pokemoncenter-online.com到訂。有興趣可以睇下啦!
Pokemoncenter-online.com

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025