{ SKIP }
文:MenClub 魏文青  
POSTED ON 16 Jul 2015
明明係個威猛山賊,自從跟咗悟空之後阿樂就冇運行。比培殖人炸死又試過、條女比人搶咗又試過、打人造人一嘢就畀人插爆個肚又試過,近期仲出埋「死姿Figure」同「0殺」成績表,都堪稱係成套《龍珠》嘅悲劇人物。不過,天無絕人之路嘅!事關喺日本秋葉原嘅一個實體投票中,阿樂就高據第一!


話說位於秋葉原「AKIBAカルチャーズ」2樓嘅「らしんばん秋葉原店新館」就搞咗個《龍珠》投票,將上至悟空比達等主角、下至無名雜魚等等N個人物全部貼哂上牆,再由顧客以貼紙投出最鍾意嘅角色。



你以為一定會係萬年主角悟空大勝?咁你就錯啦,事實上悟空連三甲都唔入!頭三名分別係阿樂、比達同魔童,而第四位嘅就係當年拿迪到咗地球之後遇上嘅「戰鬥力5的人」!

即係話阿樂唔單止贏咗悟空,仲向比達報咗搶女之仇!係咪好爭氣先!



順帶一提,喺云云咁多個角色(包括無限同18號個女、莊子個阿媽、天下第一武道大會主持人、再加一大堆初代《龍珠》出現嘅敵人)之中,有一個係一票都拎唔到嘅?你不如又估下?畀啲貼士你,佢係男人、喺初代《龍珠》出場、有參加過天下第一武道會、而且曾經被龜波氣功打中過。估唔估?


答案係天津飯同餃子嘅師父、桃白白嘅哥哥、龜仙人嘅師兄-鶴仙人!

kkiup.jp

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025