對唔住，係英勇戰死至啱。喺「撒亞人篇」中，經過拿迪斯嘅戰鬥，悟空與其兩敗俱傷，被送到界王星訓練。另一邊廂，喺地球嘅魔童、無限、天津飯、餃子、悟飯同阿樂就準備應付一年後再黎地球嘅撒亞人（即係比達同立巴）。比達與立巴到達地球遇上魔童等人，因為貪玩而放出「培殖人」與六人戰鬥。天津飯輕取一仗，接住阿樂上陣雖然亦輕鬆撃倒栽培人，但就因為一時大意被培殖人自爆所殺，成為第一個戰死嘅人。亦由於死得太快，令阿樂一時成名，死後踲畫面亦都成為「名場面」之一。

而Bandai今次就係將呢個名場面Figure化，而且仲係HG級。雖然就冇送地台，但造功一啲都唔馬虎，連貼地嗰面都一樣咁仔細。再加上官方宣傳圖入面將佢放喺條黑絲美腿之上，係咪心郁郁呢？

依家即刻有得訂，8月出貨。未連稅售價係3200Yen(約210港元)，Bandai話咁嘅定價係紀念3月20生日嘅阿樂喎。