{ SKIP }
文:MenClub 魏文青  
POSTED ON 18 Feb 2025

作為日本推理漫畫兩大山脈之一,《金田一少年事件簿》自1992年起開始連載,至今已經33年,期間漫畫亦經歷多個「季度」,而且金田一嘅身份亦隨時間有變。而繼去年完結嘅《金田一37歲事件簿》中嘅「中年社畜」之後,喺今年1月開始嘅新連載中,金田一就晉身爸爸,同美雪有個叫「九十九」、讀緊小學一年級嘅仔,而新作名稱亦叫做《金田一爸爸事件簿》!

其實於《金田一37歲事件簿》嘅最後,因為做空姐飛黎飛去一直只聞其聲不見其人嘅美雪終於出現,並宣佈自己懷孕、金田一即將要做爸爸。而考慮到美雪賺嘅錢比自己多,所以金田一決定辭去剛剛升任為課長嘅工作,改做「家庭主夫」,同時開設自己嘅偵探事務所。

而新作《金田一爸爸事件簿》就係延續呢個設定,不過時間再往前七年,金田一同美雪個仔「九十九」已經讀緊小學一年班——換言之金田一同美雪已經四十四、五歲——而金田一則一邊經營自己間噏耷偵探社、一邊照顧九十九嘅起居飲食。

金田一九十九

事目前於講談社網站上免費更新嘅首兩話,除咗交待故事背景,以及展現「九十九」都有唔錯嘅推理能力之外,最重要嘅就係開始查案。話說金田一接到一個用AI聲音講嘢嘅電話,揚言要出100萬Yen要求金田一幫佢尋找「某件東西」。而因為急住要錢交租,所以金田一就決定帶埋「九十九」去到一棟廢棄建築,隨後更遇上另外四個同樣接到委託嘅偵探。

值得一提嘅係,《金田一爸爸事件簿》冇因為「九十九」嘅出現而變得「闔家歡化」,一樣都係以謀殺案為主——真係唔敢想像對九十九嘅成長有咩影響呀。

資料來源:comic-days.com

近年人氣急升嘅美國女星Sydney Sweeney,早前有傳會成為新一任「邦女郎」。不過佢最近接受雜誌專訪時就明確否認傳聞,仲講笑咁話:「我覺得我演James Bond會更有趣!」睇嚟佢都鍾意飲Dry Martini,而且一定要「Shake ...
hobby
【影視】Sydney Sweeney回應「邦女郎」傳聞:我覺得我演James Bond會更有趣
30 Oct 2025
Netflix真人版《ONE PIECE》第二季「Into the Grand Line」,終於確定在2026年3月10日正式播出,並同步公開圓鼓屋頂島篇(磁鼓島篇)首批劇照! 經過大量前期宣傳,Netflix終於敲定真人版《ONE PIECE》 ...
hobby
【影視】真人版《ONE PIECE》第二季公開全新劇照 確定2026年3月正式播出
30 Oct 2025