位於日本河口湖嘅一間Lawson，因為有富士山做背景而引來大量遊客拍照，造成當地民眾困擾，於是當地政府日前於Lawson對面馬路拉起黑布，阻擋遊客嘅拍攝角度。不過好快就有內地網民表示，黑布已被「中國遊客」挖穿，隔住塊布一樣照拍無誤。今次就同大家分享下日本媒體嘅跟進報導啦。

圖片：讀賣新聞

日本山梨縣政府於21日時以長20米、高2.5米嘅黑布圍封「Lawson河口湖」店對面馬路，意圖阻擋遊客嘅拍攝角度。不過據本地媒體報導，有中國網民於小紅書上，指有「中國遊客」直接挖穿黑布拍攝。而根據日本《讀賣新聞》報導，該塊黑布目前出現多處凹陷，而且由第二日起就已經出現孔洞，到目前有大約10個約1cm大、位於人視線高度嘅窿，有遊客嘗試用電話透過啲窿拍低「富士山Lawson」嘅景色。

河口湖Lawson被遮擋前嘅景色

在 Instagram 查看這則貼文

ぐうたらオヤジの気まぐれInsta（@guutaraoyaji_insta）分享的貼文

河口町負責人向《讀賣新聞》表示，希望大家都可以做個有道德嘅人。負責人亦提到於黑布附近其實放咗幾個連去介紹當地景點嘅QR Code，並向遊客呼籲：「我希望大家停止（破壞黑布），町內仲有其他可以拍到靚相嘅地方，請大家去睇下啦。」

另外據《讀賣新聞》報導，設立黑布後當地警方仍會重點巡邏該位置，而且附近亦設有防犯攝錄鏡頭。但即便黑布被挖穿，目前該截街道上嘅遊客人數已大幅減少，已經黑布仲可以防止大眾亂過馬路。目前該地只需一位警員駐守就可以應付，「所以目的已經達成。」

資料來源：讀賣新聞