一年一度電競盛事，《英雄聯盟 (LOL)》世界大賽於本週一起正式開始，而遊戲開發商Riot亦宣佈，會於著名手錶品牌G-SHOCK合作，推出兩款《LOL》主題腕錶，分別以遊戲中嘅設定之一「海克斯科技」，以及2021年Netflix動畫播出後大受歡迎嘅遊戲角色「吉茵珂絲 (Jinx)」為主題。

其中以「海克斯科技」為主題嘅「GM-B2100LL」以G-SHOCK近年大熱嘅「農家橡樹」GM-B2100為藍本，採用黑色不鏽鋼錶殼及錶帶，並配上刻意舊化嘅裝飾元素，錶帶上亦飾有海克斯科技紋章及《LOL》標誌。錶面佈局與普通GM-B2100無異，但時標及時針嘅夜光物料就換上籃色，以呼應海克斯科技嘅主題色。

而以「吉茵珂絲 (Jinx)」為主題嘅GA-110LL，就以G-SHOCK另一標誌系列GA-110為基礎，整體仿照「吉茵珂絲 (Jinx)」嘅造型，用上大膽搶眼嘅粉紅、粉藍、鮮黃配色。錶帶上印有「吉茵珂絲 (Jinx)」標誌性武器「惡鯊火箭炮」，而錶面九點位置小錶盤嘅指針亦同樣換成「惡鯊火箭炮」。

資料來源：台灣G-SHOCK