去年東京奧運三人籃球賽事正式成為奧運全新項目之一，呢項看似大家都好熟悉嘅比賽，事實上卻係近年嘅新興運動之一。

其實在過去兩三年間，香港本地亦有唔少三人籃球賽事舉行，不過全部都唔係國際籃球協會（FIBA）認可嘅官方賽事。而真真正正能夠代表香港參加三人籃球賽事嘅機會黎啦飛雲，講緊嘅就係預計於11月下旬舉行嘅「FIBA 3x3 世界巡迴賽香港大師賽」！

由即日起FIBA世界賽嘅香港代表資格賽將接受公開報名 (www.3x3hkg.com)，於資格賽勝出嘅隊伍將會代表香港出戰世界賽，屆時代表隊伍將會與世界各地來港的隊伍有一番龍爭虎鬥！

而今次香港代表資格賽將會分兩階段進行，首階段預賽將於在10月23日至11月3日舉行，賽事將設公開隊48隊，並分16組進行單循環比賽，小組首名將晉級16強； 16強賽事將以淘汰賽形式定出冠軍，而預賽嘅4強隊伍則會獲得次階段(決賽)資格。而決賽將會先以單循環形式進行，並按名次再進行淘汰賽，決賽勝出的冠軍將會代表香港出戰FIBA世界賽香港站賽事。

可能你會以為三人籃球都係班甲一玩晒，但事實上三人籃球與五人籃球的比賽性質有唔少分別，打慣五人的球員(即使是甲一)隨時都可能因為不適應而不敵打開街場的你！

資格賽獎品：

冠軍獎金$10000、亞軍獎金$3000、投籃賽總獎金$3000
冠、亞、季軍球隊全隊球員、投籃比賽兩名得獎者均獲 Nike 籃球鞋一對

#三人籃球 #3x3 #街頭籃球 #三人籃球比賽