繼大戰布洛尼之後相隔三年，《龍珠》再有全新電影劇場版《龍珠超劇場版：超級英雄》登場，今次主角再唔係悟空同比達，而係悟飯！！作為龍珠迷嘅你又點可以錯過呢?

而近日探測到銅鑼灣及旺角一帶有巨大能量，原來魔童叔叔去左銅鑼灣恒隆中心，仲出緊魔貫光殺炮擊退敵人，而悟飯就去左旺角家樂坊儲緊氣，準備變身全新型態，對於最新嘅敵人！

為讓粉絲們一同感受今次激鬥氣氛，香港Exhibit-Shop概念藝術玩具展覽店Amaz By Lokianno由即日起至10月31日於銅鑼灣Fashion Walk門市及旺角家樂坊入口舉行《龍珠超劇場版：超級英雄》期間限定店，當中包括多款限定產品，最受矚目嘅當然就係首次推出限量A2 Size特大閃卡！

睇完展覽、睇完劇場版咁精彩嘅對決之後就梗係撒亞人除左戰鬥之外最鍾意嘅活動，就係大吃大喝一番喇！牛涮鍋 Shabu Shabu 火鍋放題專門店近日全線分店就推出「龍珠超：超級英雄限定套餐」，睇下你有無撒亞人咁大食先！！

今次牛涮鍋呢個套餐就加入《龍珠超：超級英雄》登場嘅悟飯、魔童、人造人伽瑪 1 號和伽瑪 2號，共 4 位主要角色！而你惠顧穀飼牛封門柳、日本九州白豚肉放題或高於其價值之放題，更加可以 HK$58 追加【龍珠超：超級英雄限定套餐連限量卡 1 包】，真係最正嘅紀念品之一！

唔講咁多，我要同啲食物戰鬥啦！！