中國網絡素來有大量「搬運網站」、「搬運工人」存在，佢哋做嘅就係將外國創作者嘅內容，由插畫到漫畫、YouTube影片到劇集電影「搬」去中國平台以賺取流量。近日中國就出現一個模仿日本最大繪師平台「PIXIV」嘅冒牌網站「VPIXIV」，並將大量日本繪師創作嘅內容都Copy & Paste搬哂過去，不過日本繪師好快就搵到解決問題嘅魔咒，就係「香港加油」同埋「天安門事件」。

Vpixiv、、、やられました pic.twitter.com/JoPPCSXnCT

— 赤城 (@akagi7716) September 1, 2022

マジでごっそりもってかれとるーー！！！！！！？？？？？？？？
私はこの中国サイト？のVpixivに登録してないです。気をつけてね。 pic.twitter.com/j48WtHlATl

— ????????????????????@3月3日感度3000倍 (@pothi_pothi03) September 1, 2022

卻說近日大量日本繪師都發現中國「VPIXIV」上出現自己嘅專頁，而自己於「PIXIV」上發佈嘅作品亦被人搬哂過去。被人偷圖本身已經非常值得嬲，更麻煩嘅原本於「PIXIV」上設定為非公開、要畀錢先睇到嘅作品，亦同樣被搬到「VPIXIV」上公開，嚴重影響繪師們嘅權益。

不過好快就有人發現解決事件嘅「魔咒」。由於「VPIXIV」似乎係會即時更新複製繪師們喺「PIXIV」上嘅所有更新，當中就包括改變名字或者自我介紹欄目，所以就有人諗到於「PIXIV」嘅用戶名或自我介紹中，加入「光復香港」、「台灣獨立」、「天安門事件」等中國禁詞，用中國嘅網絡審查去對付「VPIXIV」上嘅假專頁，結果真係成功令「VPIXIV」上嘅假專被刪除，據報目前成個「VPIXIV」都已經被永久關閉。

マジでごっそりもってかれとるーー！！！！！！？？？？？？？？
私はこの中国サイト？のVpixivに登録してないです。気をつけてね。 pic.twitter.com/j48WtHlATl

— ????????????????????@3月3日感度3000倍 (@pothi_pothi03) September 1, 2022

マジでごっそりもってかれとるーー！！！！！！？？？？？？？？
私はこの中国サイト？のVpixivに登録してないです。気をつけてね。 pic.twitter.com/j48WtHlATl

— ????????????????????@3月3日感度3000倍 (@pothi_pothi03) September 1, 2022

事實上呢次亦唔係外國網民首次用「禁詞」黎對抗中國盜版活動。有繪師指出，過往佢創作嘅同人誌就曾經被中國人擅自翻譯，於是佢喺新作品嘅背景上就加上同類型嘅禁詞，結果就冇人再搞佢啲作品。而我亦曾經見過，某「FC2」平台上嘅「愛情動作片」為咗防止被搬運，同樣於畫面上加上「天安門事件」水印。