相信唔使我多講，大家都知道而家Marvel電影一上映基本上都一定爆場，而最新嘅《奇異博士 2：失控多重宇宙》就梗係爆場啦，都未計大家「報復式」睇戲。而據統計，《奇異博士 2》上映首週成功刷新2022年紀錄，成為今年暫時嘅開畫票房冠軍。

據統計，《奇異博士 2：失控多重宇宙》於北美上映首週錄得1.85億美元票房，成功超越《蝙蝠俠 The Batman》嘅 $1.34 億美元，而其全球票房則錄得4.5億美元，成為目前今年票房冠軍。

而綜合咁多套Marvel電影，《奇異博士 2：失控多重宇宙》首週嘅全球票房排名第四位，僅次於《復仇者聯盟：終局之戰》、《復仇者聯盟：無限之戰》，以及《蜘蛛俠：不戰無歸》。

雖然《奇異博士 2：失控多重宇宙》走勢強勁，但係由於佢並未成功於中國、俄羅斯、烏克蘭等國家上映，因此能否突破10億美元票房則屬未知之數。