{ SKIP }
文:MenClub 艾力克  
POSTED ON 04 Jan 2022
【影視】新《倚天屠龍記》劇照曝光!林峯飾演張無忌、古天樂飾張翠山、文詠珊飾演趙敏

「你要救六大派,就去大都搵我啦!」當年趙敏一句對白為《倚天屠龍記之魔教教主》留下伏筆,令唔少影迷念念不忘。事隔20多年,導演王晶終於宣布要開拍續集電影,預於2022年初上映。之不過新作並唔係由李連杰、邱淑貞、張敏等原班人馬回歸出演,而係改由林峯飾演張無忌、古天樂飾張翠山、文詠珊飾演趙敏,當中備受影迷關注嘅小昭就由中國演員雲千千飾演。

日前王晶透過微博宣布,籌備拍攝超過3年、自問用心用力嘅《倚天屠龍記》兩部續集電影《九陽神功》及《聖火雄風》將於2022年初同觀眾見面,而之前一直未公布嘅「小昭」角色將由年青中國演員雲千千出演,同時貼出多張新劇照,呼籲大家多加留意。

新版《倚天屠龍記》將由林峯飾演張無忌、古天樂飾張翠山、文詠珊(Janice Man)飾演趙敏、甄子丹飾演張三豐、雲千千飾演小昭、邱意濃飾演周芷若、方中信飾演明教「光明左使」楊逍、黃浩然飾演明教「青翼蝠王」韋一笑,而徐錦江就再次飾演「金毛獅王」謝遜,唔知大家又有咩睇法呢?

徐錦江於2002年版《倚天屠龍記》全程翻白眼飾演「金毛獅王」令人印象深刻。

資料來源:微博@小弟王晶
預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025