{ SKIP }
文:MenClub 魏文青  
POSTED ON 04 Jan 2022

雖然人就只係得一對腳,但每個人就一定唔止擁有一對鞋,若然你鍾意波鞋嘅話,更可能有幾廿對堆喺屋企——都喺嗰句啦,容易襯衫呀嘛!問題係你襯完衫、著完出街,對愛鞋污糟咗咁點算呢?用布抹?用水沖?拎去畀人整?唔使咁麻煩!因為Phlips就出咗個擦鞋神器!

呢個「電動潔鞋機」,實際上就有一個電動嘅轉動刷頭,能夠以每分鐘500轉嘅高速幫你擦乾淨對鞋 (要配合清潔劑同水用,唔好乾擦呀下),除咗大大增加你擦鞋嘅效率,更能將藏於窿窿罅罅中嘅污物清除,同時亦令清潔劑更平均地分佈鞋面,縮少清潔後嘅乾燥時間。

另外跟機亦附送三個刷頭,包括適合用於網面、帆布等鞋面常用物料嘅軟毛刷;用黎洗鞋底、鞋邊硬膠嘅硬毛刷;以及完全唔擔心會刮花,適合用於PVC、皮、麂皮、滑面橡膠等嘅海綿刷頭,無論咩鞋都可以輕鬆洗到。

值得一提嘅係,呢個電動潔鞋機有智能壓力提醒功能,即係如果你太肉緊、大力將個刷頭「質」向嘅鞋面時,佢識得自動感應而停止轉動,以防你太大力刮花對愛鞋。機體本身亦有IPX5防水,使用4粒AA電提供80分鐘使用時間,而且機體大小只有手板咁上下大,方便收藏。而且售價只係兩舊幾水,買返屋企旁下身都要啦!

資料來源:Philips

你又覺得換唔換Type-C好?
tech
【Apple】分析指2023年iPhone將以USB-C取代Lightning接口
17 May 2022
當年仲未有太多Online Games嗰陣,相信唔少朋友都會玩下Windows內建嘅「彈珠台」、「踩地雷」,「接龍」等小遊戲解悶。為迎接Google I/O 2022開發者大會,日前Google就推出彈珠台網頁遊戲「I/O Pinball」重現經典, ...
tech
【經典遊戲】Google推出「彈珠台」網頁遊戲重現經典 電腦、電話都玩到
12 May 2022