據南韓傳媒報導，由於北韓化肥不足無法應付農業所需，領導人金正恩下令從明年1月3日起，全國市民均須上繳糞便集體堆肥，甚至訂立「業績目標」鞭策大家，其中坦克車部隊新兵就因為要日繳10公斤人類糞便，而不惜以身試法偷市民大便跑數！

據《DailyNK》報導，堆肥計劃於12月14日率先喺北韓人民軍第2734部隊訓練學校展開，該機構專門培養坦克車人才，每名新兵都會接受3個月基礎訓練，然後再接受為期1年嘅實戰操作訓練。然而堆肥計劃嘅出現，依家每名新兵除咗要訓練同清潔武器之外，每日朝早7點都必須諗辦法收集到10公斤人糞交數，繼而不惜以身試法擅闖民居偷大便，令當地居民極為憤怒，當面警告士兵們「唔好掂我啲肥料（屎）！」。

除此之外，堆肥計劃更催生出獨特嘅糞便交易市場，除咗有人兜售糞便，亦有人同農場合作偽造證名已上繳糞便嘅「堆肥證書」。