{ SKIP }
文:MenClub 摯樂  圖:互聯網
POSTED ON 21 Oct 2021
【一頭霧水】日本忽然成為抗疫成功地區疫情確診數目大減專家都解釋唔到

日本抗疫傳來好消息,東京每日新增確診個案10月19日只有36人,連續三日50人以下,重症者降到30人以下。然而日本並做作出任何封城措施,連專家同民眾都一頭霧水唔明白日本如何做到疫情突然降溫確診人數大減。日本專家因此非常擔心,不明原因下確診數急遽下降會唔會導致大眾放鬆冬天再爆疫情大反彈?到底確診數大幅下降係檢測出問題?定通報FAX機出問題?還是疫苗已經發揮緊果效?真係無人知,但大家都知呢個絕對係好現象,大家以後入境去日本安心出行仲可以用新的「入國手續支援APP」手機填交資料代替過去入境填紙仔。為日本突然成為新冠肺炎成功防疫國家飲杯!


幾乎一夜之間真係全不費功夫,日本好像咩都唔做就成功防疫,令國內外好多人感到驚訝。不過,日本到底如何成功減低確診人數?似乎連日本人自己都唔知點解。總之東京的單日確診病例已由8月中高峰當時近6000例,降至穩定低於100例。10月19日新增36人確診,係連續3天確診人數在50人以下,重症患者則是由上年10月底以來首次降至30人以下。不過日本從未實施過任何接近封城的措施,只實施一系列相對無強制力的緊急狀態措施。日本防疫成功可能因素,包括遲打好過唔打但極為迅速的疫苗接種活動、管制夜生活區、要求民眾戴口罩,以及8月尾天氣惡劣,成功迫使日本人宅在家中。當然,有人懷疑確診數下降只係因為檢測人數減少,但東京都政府數據顯示,陽性率已由8月尾的25%下降至10月中旬的1%,檢測人數則減少三分之一。


專家就有擔心,不明原因的確診數急遽下降可能帶來高反彈。因為隨著疫苗效力逐漸減弱和冬季到臨,日本疫情可能隨時死灰復燃。東京都醫學綜合研究所社會健康醫學研究中心長西田淳志說:「我相信,民眾減少光顧娛樂區和疫苗接種,都對確診數下降有所貢獻。但隨著緊急狀態結束,民眾將重返娛樂區,這將可能影響未來幾周的感染狀況。」反正數字靚又擔心數字大增又擔心,專家就係時時刻刻好擔心,但我地尤其外國人只擾心以後幾時再有大遊日本的機會,幾時去完日本回港唔駛再付費酒店隔離21日!老實可以居家隔離我都飛日本!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024