阿富汗民兵組織塔利班（Taliban）極速攻佔首都喀布爾，顛覆阿富汗政權。對當地人以致全球的人都只能感到無能為力，全球唯一及早防範的可能只有「豐田」（Toyota）車廠，作為塔利班最愛使用的神級戰車，豐田地位無可匹敵 ，25年來豐田堅固的農夫車同SUV一直係塔利班組織首選戰車，赫然成為塔利班裝備的標配！原來豐田早已係今年 7 月下旬制定新規定，想盡辦法不再讓自家汽車流入塔利班。豐田新款 Land Cruiser 300 上市時，所有買家必須簽訂合約，承諾「一年內不得轉售」，當中包含經銷商。若有人違規，就必須支付賠償金。據報此舉為防止豐田新車流入恐怖組織阻止塔利班買豐田！

近25年，塔利班民兵以致非洲等所有叛軍組織都係以豐田農夫車作首選戰車之一，因為豐田農夫車機動性強大可因應阿富汗崎嶇惡劣地形，還有空調可對付炎熱氣候；甚至仲有叛軍可以改裝車身，配備高射砲等大型武器。實際上多年來外國媒體就不停以豐田同塔利班混合作新聞報導，包括1996 年塔利班首次攻進總統府時，報導就以「坦克和載滿彈藥的豐田 Hilux 卡車衝進阿富汗首都」作標題。又另一例子係《紐約時報》稱豐田車輛是這些武裝分子恐嚇執法的理想平台。因此係各方媒體推波助瀾下，豐田汽車經常與塔利班聯想埋一齊。

相關情況顯然非豐田所樂見，因此豐田 7 月時宣布特殊規定，所有全新款 Land Cruiser 300 上市時，買家必須簽訂合約，承諾「一年內不得轉售」，當中包括埋經銷商。若有人違規，就必須支付賠償金。豐田此舉即是為左控制自家車輛免流入塔利班組織。豐田發現，Land Cruisers 係海外特別受歡迎，擔心一上市之後就會從日本流往海外，甚至可能出口至某些有安全隱患的地區，可能引發全球安全威脅的重大問題。美國國務院 係2015 年時亦曾拜託豐田幫忙追查伊斯蘭國（ISIS）購買新車的渠道，豐田雖然已經禁止將車輛賣畀軍事或恐怖組織，但一但要追查被盜竊、轉售至極端組織的車輛依舊係困難重重。 可以預期所有叛軍最機動方便的載具依然係豐田汽車。