{ SKIP }
文:MenClub 魏文青  
POSTED ON 03 Jun 2021

《新世紀福音戰士 (EVA)》嘅最後一部劇場版《:│▌》早於3月頭就已經喺日本上映,但到今時今日日本戲院都仲有得睇,而官方亦繼續推續聯乘產品,最新就有與日本最古老火車便當品牌「峠の釜めし本舗 荻野屋」推出限定便當,就連裝飯個「土釜」都大有來頭。

「峠の釜めし本舗 荻野屋」推出嘅「峠の釜めし エヴァンゲリオン初号機ver.」聯乘便當於6月5日開售,售價$1500Yen,但每間分店每日限量得幾十個,賣哂就唔會再返貨。便當中有用秘製高湯煮成嘅雞肉、冬菇、栗子等九種配料,包裝紙上就印住大大個初號機樣。而個陶製飯碗(土釜)除咗可以留黎紀念,仲真係可以拎返屋企煲飯 (一人份量),同時為咗配合初號機嘅配色,特意塗上紫色。

峠の釜めし本舗おぎのや 荻野屋」官網上亦有教大家用土釜煲飯

「峠の釜めし本舗おぎのや 荻野屋」開業於日本明治18年,即係1885年,至今已經有136年歷史,乃係日本最古老嘅火車便當品牌,亦係日本第一、目前唯一以土釜裝便當嘅火車便當。其使用嘅土釜係出自益子町嘅「益子燒」。益子燒原本為江戶大眾提供日常陶器用品,自明治維新開始後陶器市場被金屬品取代而差啲玩完,好在「峠の釜めし本舗おぎのや 荻野屋」開始向益子町訂購大量土釜以供火車便當使用,益子燒先算避過一劫。使用益子燒土釜亦成為「「峠の釜めし本舗おぎのや 荻野屋」」往後嘅特色之一。

資料來源:荻野屋

1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025
Konami人氣恐怖遊戲系列《Silent Hill(鬼魅山房)》事隔十多年再推真人版電影!今次《Return To Silent Hill》將改編自原作第二部遊戲,帶領觀眾再次回到被迷霧籠罩嘅詭異小鎮,預計2026年1月23在美國上映。 ...
hobby
【影視】改編自原作第二部遊戲!真人版電影《Return To Silent Hill》前導預告出爐
27 Aug 2025