有點過貨嘅你就會知，點貨真係一件好惡做嘅事，一個唔小心你又要重頭點過。不過，以後可能就無呢個煩惱啦，因為科技又幫到你幫到你啦。

日本珍珠公司Eiko Pearl近日開始起用一款叫做CountThings from Photos嘅手機App，佢可以幫手將100小時數點珍珠嘅時間，大幅縮減至20小時，亦即係成功減省80%時間之多！

呢款App使用方法極之簡單，就係將你要點嘅野放好喺手機面前，然後拍照，該App就會自動數點，而且計算時間非常短。不過要留意嘅係，App限制左最多只可以數點1000樣物件，但應該都夠晒用。

個App當然除左珍珠，仲可以點其他野啦，以後無論屋企定公司要數野，就唔使再慢慢逐件逐件咁數啦。不過要留意，個App並唔係全面免費使用的，用家們要留意呀。

圖片來源：Ayesco