坊間廣為流傳著一種說法，想知一個男人下面大唔大，就要睇佢個鼻有幾大。最近喺日本就有科學家去咗研究男人生殖器同個鼻有咩關係，結果發現原來鼻大嘅男人，下面真係會長啲！

（圖片截自：dailymail）

近日醫學期刊《Basic and Clinical Andrology》刊登咗一份名為「Nose size indicates maximum penile length（鼻子尺寸表明最大陰莖長度）」論文，指出日本京都府立醫科大學研究團隊發現鼻子尺寸同陰莖長度相關。

鼻子長度定義為：左右內側眼角中點與左右鼻翼外側之間嘅距離，即係較長個條箭咀嘅長度。

據論文所指，研究團隊對126具死亡3日嘅中年男子遺體進行各種測量，記錄佢哋身高、體重、睾丸重量、陰莖周長，鬆弛陰莖長度（Flaccid penile length）。並將屍體陰莖垂直拉起測出垂直陰莖延伸長度（Stretched penile length，SPL），還原陰莖勃起狀態嘅長度。

統計分析顯示陰莖延伸長度同鼻子長度成正比關係。

統計分析發現，鼻子長度少於4.57cm嘅男性，陰莖長度最多只得10.41cm；若果鼻子長度有5.59cm，陰莖長度可達13.46cm；而鼻子長度介於「4.57cm-5.59cm」呢個範圍嘅男人，平均陰莖長度為11.43cm。

研究人員表示，今次研究顯示鼻子大小同陰莖延伸長度（SPL）相關，下面有幾長喺出世之前已經整定，同年齡、身高或體重無關。同時表明研究發現只限於日本男性，外國人就可能唔適用。

資料來源：dailymail、Nose size indicates maximum penile length