小朋友模仿及學習能力非常高，好容易睇住身邊嘅人「有樣學樣」，尤其係Youtube時代出世嘅小朋友，只要播返幾次「Baby Shark 」就會識跟住一齊跳（唱？）。日本有位作家分享咗件趣事，由於個仔睇得太多Youtube，誤以為影片最後講嘅「請訂閱我」係「ByeBye」咁解，差啲笑死老竇。

ちなみに時々、お別れの際に「コメント欄で教えてね」という挨拶も追加されます。

— 斉藤せち (@emisheep) January 12, 2021

日本作家「斉藤せち」表示，個仔可能睇太多Youtube，同幼稚園同學道別嘅時候會講「請訂閱我頻道」，有時仲會加多句「有咩可以留言話我知」。網友們睇完都覺得呢位小朋友非常搞笑，好可愛。另外亦有其他家長留言表示自己小朋友都有類似情況，而且會講多個句「記得幫我LIKE」。有網友就概嘆某程度上代表時代已經變咗，感覺自己變老。

小朋友誤會詞語意思固然要更正，不過都反映咗新一代人獨有嘅新用語。當年大家所講嘅口頭蟬同「童謠」都係單靠互相模仿而學識，例如嗰啲「大笨象揸支槍去打仗 」、「好大陣籮味傳入我的鼻」、「One More Two More，屎忽大個菠蘿」，邊似依加嘅小朋友咁多資訊渠道。