《Mortal Kombat》已經喺香港上映咗接近兩個禮拜，唔知睇咗嘅朋友又覺得如何呢？近日喺劇中扮演Sub-Zero嘅Joe Taslim向傳媒透露，如果電影成績理想， 華納將會開拍四部續集，唔通想整個「真人快打宇宙」？

Joe Taslim於劇中飾演Sub-Zero（圖片截自：IMDB）

據《IGN》報導，近日Joe Taslim向外媒《Variety》透露，如果電影成績理想，佢將會簽下4部《Mortal Kombat》電影合約，意味著華納打算推出4部續集。佢仲喺Podcast分享同經典遊戲《Mortal Kombat》嘅結識過程，「我出生喺南蘇門答臘，細個屋企好窮，買唔起遊戲機，所以每日都會去朋友屋企玩《Mortal Kombat》。但每次去到都會有大約10個細路喺到排隊跟機，贏咗嘅人可以繼續打落去，每次都要等40分鐘左右先輪到我玩。」相信大家或多或少都有以上經歷，所以聽完呢番說話覺得好有共嗚。

《Mortal Kombat》現於全港各大劇院上映。（圖片截自：WMOOV）

即使官方尚未宣布要推出續集，但《Mortal Kombat》重啟電影已經引起廣大影迷及機迷興趣。喺2月份嗰陣所釋出嘅預告片已經成為歷史上最受歡迎嘅R級電影預告片，打破咗《Deadpool 2》同《Logan》記錄。目前仍然上映緊，有興趣嘅朋友可以入場觀賞一下。

資料來源：IGN、Variety